پیرۆز بێت ٢٥ی گەلاوێژ ٨٠ هەمین ساڵی دامەزرانی حیزبی دێموکراتی کوردستان ئێران
پیرۆز بێت ٢٥ی گەلاوێژ ۸٠ هەمین ساڵیادی دامەزرانی حیزبی دێموکراتی کوردستانی ئێران
هاونیشتیمانیانی بەرێز، ئەندامان و لایەنگرانی حیزبی دێموکراتی کوردستانی ئێران!
با لە یادی پیرۆزەی ۲٥ ی گەلاوێژ دا پێش هەموو شتێک سڵاو بنێرین بۆ ڕوحی پاکی هەموو ئەو شەهیدانەی کە گیانیان لە پێناو ئازادی و سەربەخۆیی کورد و کوردستاندا بەخشی و سەریان بۆ داگیركەر دانەنواند.
هاوڕێیان و دۆستانی بەرێز، ئەندامانی رێبەری حیزب!
حیزبی دیموکراتی کوردستانی ئێران لە ماوەی ئەو ۸٠ ساڵە دا زۆر جار توشی گرفتی گەورە و پەلاماری قورس و بێ ئامانی داگیرکەرانی کوردستان بۆتەوە، چەندین ڕێبەر و سەرکردە و هەزاران ڕۆڵەی دڵ پڕ لە هیوای رزگاری نیشتیمانی لە دەست داوە بەڵام هێشتا هەر لە مەیدان دا ماوەتەوە و هەردەم درێژەدری خەباتی پیرۆزی شەهیدانیەتی.
بەم بۆنەیەوە، پارتی سەربەخۆیی کوردستان پیرۆزبایی گەرمی خۆی پێشکەشی ئێوە و خەڵکی خەباتکاری کوردستان دەکات و هیواخوازە تا بەدیهاتنی رزگاری و سەربەخۆیی کوردستان هەروا پڕ ورە و پڕ هیوا درێژەدەری خەباتی رزگاریخوازی بن.
دۆستانی هێژا،
خەڵکی ڕۆژهەڵاتی کوردستان لە ماوەی تەمەنی کۆماری ئیسلامی ئێراندا بە شێوەگەلی جۆراوجۆر و لە کۆڕ و کۆبوونەوەی جۆراوجۆر و بۆنەی تایبەتدا پێشانیان داوە کە بوێرانە دژی سیستەمی داگیرکاری و ئاسیمیلاسیۆن دەجەنگن و تا داگیرکەر لەخاک و نیشتیمان دەر نەکەن ئۆقرە ناگرن.
وەرن با لەم ڕۆژە گرینگە دا بەڵێن بدەین کە خەباتمان تێکەڵی خەباتی ناوخۆ بکەین و بۆ وەدی هێنانی بەرەیەکی نیشتیمانی هەموو هەوڵەکان بخەینە گەڕ و ئیزن نەدەین چیتر داگیرکەران لە نارێکی ناو ماڵی کورد کەڵک وەرگرن و درێژە بە کوشتن و بێ هیواکردنی لاوانی وڵاتمان بدەن.
خەبات بۆ رزگاری و سەربەخۆیی کوردستان خەباتێکی بە هەق و پیرۆزە و لە هەمان کاتدا تەنیا ڕێگای گونجاوە بۆ سازدانی خەڵکی کوردستان بۆ خاوەنداریەتی لە خەبات و خاکی پیرۆزی کوردستان.
پیرۆز بێت ۲٥ ی گەلاوێژ و بەردەوام بێت خەبات تا رزگاری و سەربەخۆیی کوردستان
پارتی سەربەخۆیی کوردستان
٢٠٢٥/٠۸/۱۲
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment