پەیامی پارتی سەربەخۆیی کوردستان بە بۆنەی ١٠ی خاکەلێوە
هاونیشتمانیانی هێژا ، کوردستانیانی بەڕێز
١٠ی خاکەلێوەی هەموو ساڵێک ، بیرەوەری ناخۆش و تاڵی لە سێدارەدانی ڕێبەری کاریزما و خۆشەویست و خۆنەویستی گەلەکەمان ،جەنابی پێشەوا قازی موحەمەدی نەمر و هەڤاڵانی بەدەستی ڕژیمی داگیرکەری پاشایەتی وڵاتی جەعلی ئێرانە .
١٠ی خاکەلێوە بۆ نەتەوەی کورد وەک هێمای سەربەستی و مەرگی سێدارە لە قامووس ومێژووی خەبات و بزاڤی ڕزگاری خوازی گەلەکەماندا نەخشاوە . ئەو ڕۆژەی جەنابی پێشەوا گیانی خۆی فیدای گەل و نیشتمان کرد و بووە ئەفسانەی ڕێبەرێکی گیان بەخت کردوو لە پێناو پاراستنی شوناس وکەڕامەتی نەتەوەیەکی داگیر و دابەش کراودا .
ئەو گیانبازی وخۆنەویستیە لەلایەک ولەلایەکی تریش کەسایەتی شۆڕشگێڕانەی جەنابی پێشەوا و دامەزرانی یەکەم کۆماری سەربەخۆ لەمێژووی هاوچەرخی گەلەکەمان لەسەر دەستی پێشەوا و هاوڕێیانی و لەهەمووی گرینگتر زەق کردنەوەی بزاڤی نەتەوەیی وڕزگاری لەهەموو کوردستانی گەورە وای کردووە کە پێشەوا ببێتە خۆشەویستی هەموو کوردستانیان لەهەر چوار پارچەی کوردستان و ئیلهام بەخشی خەباتی نەتەوایەتیمان بێت لە پێناو سەربەخۆیی و ڕزگاری یەکجاری کوردستاندا .
١٠ی خاکەلێوە ڕۆژی شەهیدانی کوردستان وەک ئەمەگ و پێزانین بۆ خوێن وخەباتی هەموو ڕێبەران وشەهیدانی ڕێگای رزگاری کورد وکوردستان لە ڕۆژمێری مێژووی نەتەوەکەماندا ناودێرکراوە .
بۆیە لەم ڕۆژەدا لە گەڵ پێشەوای هەمیشە زیندوومان بەڵێن نوێ دەکەینەوە کە تاکوو دوا دڵۆپی خوێنمان درێژەدەری ڕێبازی پڕ سەروەری پێشەوا و تێکۆشەرانی ڕێگای ڕزگاری وسەربەخۆیی کوردستان بین و گەلی کوردستان دڵنیا دەکەینەوە کە هزر و ڕێبازی پێشەوا تا گەیشتن بە ڕزگاری یەکجاری و دامەزاندنی دەوڵەتی نەتەوەی کوردی گڕ و تینی خەباتی بێ وچان و شێلگیرانەمان بێت.
هەروەها داوا لە هەموو ڕێکخراو و لایەنە سیاسیەکانی کوردستان دەکەین با بە هەموومان یادی ئەم ڕۆژە بکەینە هەوێنی لێک نزیک بوونەوە و تەبایی و یەکیەتی وهاوخەباتی لە پێناو گەیشتن بە ئامانجە پێرۆزەکانمان .
سڵاو لە ڕۆحی پاکی شەهیدانی 10خاکەلێوە ،حەزرەتی پێشەوا و هەڤاڵانی.
سەرفرازی و سەروەری بۆ شەهیدانی کوردستان .
سەرکەتوو بێ خەباتی گشت ڕەهەندی نەتەوەییمان .
پارتی سەربەخۆیی کوردستان
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment