پیرۆز بێت ١٢٣ هەمین ساڵیادی رۆژنامەگەری کوردی
پارتی سەربەخۆیی کوردستان
لە ٢٢ی نیسانی ساڵی ١٨٩٨ی زایینیدا یەکەم ڕۆژنامەی کوردی بە ناوی "کوردستان " بە هەوڵ و هیمەتی بنەماڵەی خەباتگێڕی بەدرخانییەکان و ئەرک و ماندووبوونی میقداد مەدحەد بەدرخان لە شاری قاهیرە چاپ و بڵاو کرایەوە و لەو کاتەوە وەشانی خۆی دەستپێکرد .
ئەم هەنگاوەی بەدرخانییەکان و هیمەتی میقداد مەدحەد بەدرخان شۆڕشێک بوو لە بواری میدیا و ڕۆژنامەگەری کوردیدا . بۆ یەکەمجار ڕۆژنامە لە شێوەی مۆدێرن و سەردەمیانەدا چاپ و بڵاو کرایەوە . توانی ببێتە پردێکی پێوەندی نێوان دونیای دەرەوە و خوێنەر و ڕۆشنبیری کورد. تواندرا بخرێتە خزمەت خەباتی نەتەوەیی و ببێتە شێوەیەک لە خەبات لە پێناو سەربەخۆیی و سەروەری کوردستان. هەڵهێنانەوەی ئەم هەنگاوە مەزنە لەو کاتەدا بە هۆی دژایەتی کردنی دەسەڵاتی دەوڵەتی عوسمانییەوە و دەسەڵاتی سوڵتان عەبدولحەمیدەوە ئەرکێکی قورس و گران بوو کە بەدرخانییەکان شانیان وەبەریدا و تێدا سەرکەوتوو بوون .
لەوکاتەوە مێدیا لە مێژووی ئێمەی کورددا خاوەن پێگە وگرینگیەکی تایبەتیە و وەک هۆکارێک بۆ گەیشتن بە ئامانجە پیرۆزەکانمان ڕۆڵی خۆی بەباشی گێڕاوە . هەر بەو هۆیەشەوەیە دوایی ئەم ڕۆژە وەک ڕۆژی ڕۆژنامەگەری کوردی ناوزەد کرا و ساڵانە یادی دەکرێتەوە .
چاپی ڕۆژنامەی کوردستان سەرەتایەک بوو بۆ ڕۆژنامەگەری کوردی تا بتوانێت ڕێچکەی خۆی بدۆزێتەوە و ببێتە خاون شوناسی خۆی .
پارتی سەربەخۆیی کوردستان هیوادارە خەباتکارانی بواری ڕۆژنامەگەری و مێدیایی کوردستان بە هەموو چڵ و پۆپەکانیەوە بە دڵ و هەستێکی نەتەوەییەوە لە خزمەت ئەم هۆکارە گرینگەدابن . تا لەم ڕێگایەوە بتوانین هەم زمان و ئەدەبیاتی نەتەوەکەمان لە جینوسایدی زمانی و کولتوری بپارێزین و هەم خزمەت بە خاک و وڵات و نیشتمانمان بکەین .
پیرۆز بێت یادی 123هەمین ساڵی ڕۆژنامەی کوردستان و ڕۆژی ڕٶژنامەگەری کوردی.
پارتی سەربەخۆیی کوردستان
23.04.2021
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment