پەیامی پارتی سەربەخۆیی کوردستان بە بۆنەی هەڵبژاردنەکانی کۆماری ئیسلامی ئێران
خەڵکی تێکۆشەر و مافپەروەری کوردستان!
وا بۆ جارێکی دیکەش سیناریۆی هەڵبژاردن لە پێناو درێژەدان بە تەمەنی کۆماری ئیسلامی ئێران دەست پێدەکاتەوە .
لە ماوەی زیاتر لە چل ساڵ دەسەڵاتی داگیرکەر و دژە مرۆڤیی کۆماری ئیسلامی و سیناریۆ جۆر بە جۆرەکانی هەڵبژاردن دا، نەک هیچکام لە بچووکترین و سەرەتایی ترین مافە ڕەواکانی خەڵکی کوردستان دەستەبەر نەبوو، بەڵکوو ڕۆژانە تاوانەکانی کۆماری ئیسلامی بەراانبەر نەتەوەکەمان و باقی نەتەوەکانی تر دڕندانەتر، زیاتر و توندتریش بووە .
لای هەمووان ڕوون و ئاشکرایە کە مافە نەتەوەییەکانی نەتەوەی کورد لە ڕۆژهەڵاتی کوردستان لە سیستەمێکی داپڵۆسێنەر و پاوانخواز و دژە مرۆڤی وەک کۆماری ئیسلامیدا کە بە پێی یاسا بنەڕەتیەکانی دژ بە مافە نەتەوایەتیی نەتەوەی کورد و باقی نەتەوە داگیرکراوەکانی ناو جوغرافیای داسەپاوی بەناو ئێرانە دەستەبەر نابێت. بۆیە پێمان وایە ئەم سیناریۆیەش هیچ جیاوازیەکی لە گەڵ سیناریۆکانی پێشوو نیە .
بەو پێیە کە پارتی سەربەخۆیی کوردستان بڕوای بە مافی چارەی خۆ نووسین و ڕزگاری یەکجاری و سەربەخۆیی کوردستانە و ئەو مافە بە مافی ڕەوای نەتەوەی خۆمان و هەر نەتەوەیەکی تری دەزانین . وەک دیتوومانە و دەیبینین وڵامی کۆماری ئیسلامیش بو خواستی نەتەوەکان لە چل ساڵی ڕابردوی تەمەنیدا تەنیا داگیرکاری، کاولکاری، کومەڵکوژی ، ئێعدای ڕۆژانەی لاوان ، ئاسیمیلاسیون ، بەتاڵان بردنی سامانی گشتی و ژینۆسایدی فەرهەنگی ،کلتووری و زمان و ئەدەبی بووە. هیوادارین و داواکارین کە کۆمەڵانی خەڵکی تێکۆشەر و ماف پەروەری کوردستان بە هەر شێوەیەکی مومکین کە بۆیان دەکرێت و دەگونجێت خۆ لە بەشداریی شانۆگەری هەڵبەژاردن بپارێزن . با ناڕاستەوخۆ نەبینە یارمەتیدەر و نەکەوینە خانەی شەرعیەت دان و دەڕژەدان بە تاوانەکانی کۆماری ئیسلامی ئێران .
دەنگ نەدان وبەشداری نەکردنی خەڵکی کوردستان بەیەکریزی ویەکگرتووی دەتوانێ لەجاران زیاتر پێگە و ڕەوایی "مەشروعیەتی" ڕژیم لاواز تر بکات و جیهانی سیاسی تێبگەیەنێت کە کورد دژی ئەو رژیمە داگیر کەر و تێرۆریستەیە. وەک چۆن هەرلەسەرەتای شۆڕشی گەلانی ناو جوغرافیای داسەپاوی ئێران کورد بەشداری هەڵبژاردنی نەکرد و بە ئاشکرا و بەر لە هەموو نەتەوەکان وڵامی "نا"ی بە کۆماری ئیسلامی دایەوە.
یەکیەتی ، هاودەنگی و هاوخەباتی سەرکەوتنمان مسۆگەر دەکات
سەرکەوێ خەباتی گشت رەهەندی ونەتەوەییمان لەپێناوسەربەخۆیی کورد وکوردستان
پارتی سەربەخۆیی کوردستان
20.05.2021
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment