ڕاگەیاندراوی پارتی سەربەخۆیی کوردستان بەبۆنەی کاولکاریەکانی دەوڵەتی تورکیا لە باشووری کوردستان.
دەوڵەتی تورکیا بە درێژایی مێژوو چاوی لە سەر خاکی بە پیت و بەرەکەتی کوردستان و هەموو ناوچەکە بووە و هەیە. لەو پێناوەشدا هەموو دەرفەتێکی بۆ داگیرکاری کوردستان بەکار هێناوە و قۆستوویەتەوە. چەندین ساڵ لە ژێر ناوی خەلافەتی ئیسلامدا پەرەی بە داگیرکاریەکانی دابوو. دەسەڵات و پاوانی خۆی لە بەشێکی زۆری وڵاتانی ڕۆژهەڵاتی ناوین و باکووری ئافریقا چەسپاندبوو .
لەدوای شەڕی جیهانی یەکەم و داڕمانی دەسەڵاتی ئیمپراتووری عوسمانی و کورت بوونەوەی دەستی داگیرکاری تورکیا لە بەشێک لەو وڵاتانە و دابەشبوونیان بە پێی بەرژەوەندیەکانی ژلهێزانی ئەو سەردەمە، جارێکی تر لە ژێر سایەی زلهێزان دیسانەوە ئیسلامی سیاسی و ئیخوانیەکان و ئیسلامی توندئاژوو هانایان وەبەر هاتوەتەوە و بە شەڕە زەرنگەری نێوانیان لە گەڵ زلهێزانی سەردەم کە هەردووکیان تەواوکەری بەرژەوەندیەکانی یەکترن بە کاوەخۆ ئەسپی دەسەڵاتیان لە زۆربەی ئەو ناوچانە تاو داوەتەوە.
کوردستانی ئێمەش وەک نزیکترین دراوسێ و تێکەڵاوی سنوورەکانمان، یەکەم نەتەوەین وا بەر ئەم شاڵاوە نوێیە کەتووینەتەوە . لە باکوور بە دەیان شار و گوندمان لێ خاپوور و کاول کراوە . بەناوی پڕۆژەی ئاودێری و بەنداوەوە شار و گوند و ئاسەوارە مێژووییەکانمان ژێر ئاو خراون و فەوتاون .لە ڕۆژاوا بەشێکی زۆری ناوچە کوردیەکان داگیر کراون . بەزەییان بە هیچ بوونەوەرێکی نەهاتووە و هەوڵی تەواوی فەوتان و ژینوسایدی ژینگەی کوردستانیان داوە و زۆربەی دار زویتونەکان وا سەرمایەی نەتەوەیی ئێمەن یان بڕیوون و لەناویان بردوون یان لەبەر ئەوەی لە باری کوالیتیەوە یەکێک لە باشترین جۆرەکانی زەیتوونن دزراون و ئاودیوی تورکیا و شوێنە تورک نشینەکان کراون .
ئەوا ئێستەش بە دەیان بیانووی جۆراوجۆر بەشێکی زۆری باشووری کوردستانیان داگیر کردووە و هەمان سیاسەتی تێدا پێڕەو دەکەن. دار و دارستانەکانی دەبڕن و لە ناوی دەبەن و بەرهەمەکەشی بە بەرچاوی دەسەڵاتی باشوورەوە لە وڵات دەبرێتە دەرەوە بۆ وڵاتی داگیرکەری تورکیا و دەسەڵاتیش چاوی لێ نووقاندوە و هەتا ئێستاش بێ هەڵوێستە و بێ دەنگە لە ئاست ئەم تاوانە گەورەیەدا .
لەم کاتە ئاستەمەدا پارتی سەربەخۆیی کوردستان داوا لە حکومەتی هەرێمی کوردستان بە تایبەتی و خەڵکی کوردستان وکۆڕ و کۆمەڵە کوردیەکان و ناوەندە ئینجی ئۆییەکان بە گشتی دەکات بەرانبەر بەم تاوانەی ڕژێمی تورکیا بێدەنگ نەبن و ناوەندە نێونەتەوەییەکان لە گەورەیی ئەم تاوانەی تورکیا ئاگادار بکەنەوە و سکاڵا پێشکەش بە نەتەوەیەکگرتووەکان و یەکیەتی ئوروپا و باقی ناوەندە نێونەتەوەیی و پێوەندیدارەکان بکەن. تا بە تێکڕایی بتوانین ڕێگر بین لە تاڵان و ژینۆسایدی ژینگەی کوردستان کە گەورەترین سەرمایەی نەتەوەییمانە و بەرنگاری شێوە داگیرکاریەکانی تورکیا ببینەوە .
سەرکەوێت خەبات لە پێناوی ڕزگاری یەکجاری و سەربەخۆیی کوردستاندا
پارتی سەربەخۆیی کوردستان
31.06.2021
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment