بۆ یادی گولەباران کردنی 59 لاوی شاری قارەمانی مەهاباد
ئەگەر لە خۆمانی نەشارینەوە هەر لە دوای ڕۆخانی دەسەڵاتی پاشایەتی و هاتنە سەر دەسەڵاتی کۆماری ئیسلامی ئێرانەوە هەم نەتەوەی کورد لە ڕۆژهەڵاتی کوردستان و هەم دەسەڵاتدارانی کۆماری ئیسلامی بە باشی لە مەبەست و بۆچوون و ئامانجەکانی یەکتر تێگەیشتبوون.
یەکەم کۆماری ئیسلامی و کاربەدەستانی بەباشی دەیانزانی ناتوانن نەتەوەی کورد وەک باقی نەتەوەکانی تر بە سانایی بخەنە ژێر ڕکێفی خۆیان و بە ویستی کۆماری پەت و سێدارە بە هەموو ڕاست و چەپێکیدا بدەن ، نەتەوەی کوردیان وەک لەمپەرێک لە ڕێگای بە ئامانج گەیشتنی خۆیاندا دەبینی . ئێمەی نەتەوەی کوردیش هەر لە دەسپێکدا لە هەڵسووکەوتەکانیان زانیمان کە ویست و خواستی نەتەوەییی ئێمە لە چواچێوەی سیستەمێکی یاوادا ، هیچ کە دەستەبەر نابێت لە بنەڕەتیشدا بڕوایان پێی نیە .بۆیە لە یەکەم ڕیفرادندۆمدا بە دەنگێکی بەرز نای بە گوێی کەڕی کۆماری ئیسلامی ئێراندا دا .
هەر لە ئاکامی ئەم سیاسەتە قیزەونەیشیاندا لە دەسپێکی دەسەڵاتیانەوە بە چاوترسێن کردنی نەتەوەکانی غەیری فارس دەستیان پێکرد و ماشینی ئێعدامەکانیان لە کوردستانەوە خستە گەڕ . بۆ چاوترسێن کردنی باقی نەتەوەکانی تر بە شانازیەوە لە مێدیاکانیانەوە ڕایاندەگەیاند و وەک سەرکەوتن باسیان دەکرد . فەرمانی جیهادیان دەرکرد.لە دەیان گروپی پێنج و دە و هەتا سی کەسیی لە شارە جیا جیاکانی کوردستان خەڵکی کوردیان بە پیر و گەنج و ژن و مندالەوە بردە ژێر دەستەی ئێعدام و گولەبارانیان کردن . جەرگی دەیان و سەدان دایک و باوکیان سووتان ، سەدان و هەزاران منداڵیان بێ سەرپەرشت کرد .
دەستەیەک لە هەڵۆ بەرزەفڕەکانی قوربانیانی ئەم ئاکارە قیزەونە دژە مرۆڤیانەی دەسەڵاتی ڕەشی تازە پێگەیشتوو ، 59 لاوی شاری قارەمانپەروەی مەهاباد بوون کە لە ڕۆژ 12 جۆزەردانی ساڵی 1362 لە شاری تەورێز بە سەربەرزیەوە بەرانبەر بە دەستەی ئێعدامی تاریک پەرستانی کۆماری پەت و سێدارە وەستان و سینگیان کردە قەڵغان و ناویان چوە کاروانی بێپسانەوەی شەهیدانی ڕێگای ئازادی و سەربەخۆیی.
ئەم کۆمەڵکوژیە و دەیان تاوانی تریان بە سەرماندا هێنا .لە بەرانبەر هەموو ئەم تاوانانە خۆمان تا ئێستا کەمتەرخەم بووین ، بە شێوەیەک کە شیاوی گەورەیی تاوانەکان بووبێت بەدواداچوونی بۆ نەکراوە و وەک کەیسی تاوان نەخراوەتە ڕۆژەو لە دادگاکانی تاوانی نێودەوڵەتیدا . پێویستە ئەم تاوانانە لە یاد نکرێن ، با بە هەمووانەوە بۆ بە نەتەوەیی کردنی هەوڵ بدەین ، بەڵگەی بۆ کۆ بکەێنەوە لێکۆڵینەوەی لەسەر بکەێن ، پەنا بۆ دادگە نێودەوڵاتیەکان ببرێت ،کۆماری ئیسلامی و تاوانباران لە دادگە و ناوەندی نێودەوڵاتیدا ئەم تاوانانەیان بەرەوڕوو بکرێنەوە و بە سزای تاوانەکانیان بگەیەندرێن .
بەو هیوایە هەموو لایەک ئەم ئەرکە نەتەوەیی بە ئەرکی خۆیان بزانن . هەروها هیوادارین وەک ئەرکێکی نیشتمانی و نەتەوەیی هەموومان هاوکار و هاوبیری ئەو ناوەندانە بین کە کارەکانیان بۆ ئەم بوارە تەرخان کردووە و بە پسپۆڕی و شارەزاییەوە هەوڵی لەقاودانی دەدەن .
پارتی سەربەخۆیی کوردستان لەم ڕۆژەدا سەری ڕێز و خۆشەویستی لە ئاست 59 شەهیدی ڕێگای ڕزگاری کوردستان لە شاری مەهاباد و باقی شەهیدانی کوردستان دادەنەوێنێت کە بوونەتە موشخەڵانی ڕووناکی ڕێگای ڕزگاری و سەربەخۆیی کوردستان.
پارتی سەربەخۆیی کوردستان
02.06.2021
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment