بە پێوە دەمرم بەڵام چۆک بۆ دوژمن دانادەم. بەیاننامەی هاوبەشی پارتی سەربەخۆیی کوردستان و پارتی سەربەستی کوردستان بە بۆنەی ١٠ی خاکەلێوە
بەبۆنەی ١٠ی خاکەلێوە
بە پێوە دەمرم بەڵام چۆک بۆ دژمن دانادەم.
بەیاننامەی هاوبەشی پارتی سەربەستیی و پارتی سەربەخۆیی کوردستان.
رۆژی ۱٠ی خاکەلێوە رۆژی پتەوبوونی بیری ڕزگاری و سەربەخۆییخوازییە.
هاونیشتمانیانی خۆشەویست !
بنەماڵەی سەربەرزی شەهیدان !
نیشتمانی پیرۆزمان بە خاک و ئاو و خەڵکەوە، بە هەزاران جار کەوتۆتە بەرهێرش و پەلامار، کوشت و بڕ و تاڵانی داگیرکەرانی فارس و تورک و عەرەب. مێژوومان شاهیدە بۆ هەزاران جار کۆمەڵکوژی، ژینوساید و ئەنفال، بۆمبارانی شیمیایی، وێرانکاری لە سروشت و ژینگە و سامانی سەر زەوی و بن زەویی وڵاتی داگیرکراومان. ڕابردوومان پڕە لە کارەساتی تاڵ و دڵتەزێن، کە هەر کام لەم رووداوانە بە نۆبەی خۆیان کاریگەری نەرێنیان بووە لەسەر شێواندنی ناسنامە و هێماکانی نەتەوەیی و نیشتیمانی کورد و کوردستانی ئازیزمان.
۷٥ساڵ لەمەوبەر لە بەرەبەیانی رۆژی ۱٠ی خاکەلێوەی ٢٦٤٧ی کوردی، بەرامبەر بە ۳٠ ی مارسی ۱۹٤۷زاینی، پێشەوا قازی محەمەد سەرۆک کۆماری دەوڵەتی کوردستان، محەمەد حوسێنی سەیفی قازی و ئەبولقاسمی سەدری قازی، دوای "محاکەمە" یەکی فەرمایشی، بە فەرمانی محەمەد رەزا شا و ستادی ئەرتەشی ئێران لە مەیدانی چوارچرا، هەر لەو شوێنەی کۆماری کوردستانی لێ ڕاگەیەندرابوو لە داری بێدادی دران.
۱٠ی خاکەلێوە، ۱٦مارس وهەڵەبجە و ئەنفال لەو رۆژە کارەساتبارانەی گەلەکەمانن کە هەرگیز لە بیر ناچنەوە.
لە راستیدا رژێمی پاشایەتی پێی وابوو کە دەگەڵ پێشەوا و باقی رێبەرانی کۆماردا کوردستانی بە ئاو و خاک و کەرامەتیەوە هەڵاوەسیوە. غافڵ لەوەی ! ئازایەتی و لەخۆبردویی پێشەوا لە کاتی دادگاییکردنی، وەسیەتنامە مێژووییەکەی، خۆنەویستی و وڵاتخۆشەویستی پێشەوا و هەرەوها کارنامەی۱۱ مانگەی سەرۆک کۆماری و کاراکتێر و هەڵسوکەوت و رابردووی بێگەردی وبێباکی ئەو قارەمانە مەزنە ، دوای۷٥ ساڵ مەشخەڵ و ڕێنوێنن بۆنەتەوەکەمان و ڕێبەرانی بزوتنەوەی ڕزگاریخوازی کورد چ لە ئێستا و چ لە داهاتوودا.
بە پێچەوانەی ویستی داگیرکەران، سێدارە و کۆت و بەند، زنجیر و گوللەباران، ئەنفال و کیمیاباران، نەتەنیا نەتەوەکەمانی بە چۆکدا نەهێناوە و تەسلیمی توانەوەی نەتەوەیی وپاکتاوی رەگەزیمانی نەکردوە، بەڵکو لە خەبات بۆ ڕزگاری و سەربەخۆیی و سەروەری نەتەوەیی ڕژدتر و هەنگاوکانمانی شێلگیرتر کردووە. سەرەڕای ئەم گشتە نەهامەتیانە لە پێناو رزگاری و سەربەخۆیی دا نەسرەوتووین و ناسرەوین.
ئێمە دوو پارتی سەربەستیی کوردستان و پارتی سەربەخۆیی کوردستان، سەری رێز و نەوازش بۆ بارەگای پێشەوای نەمر و هەڤاڵانی دادەنەوێنین.
هیوادارین ئەم رۆژە مێژووییە بە پشتیوانی و هاودەنگی گشت پارت و رێکخراوە سیاسییەکان لە هەموو کوردستان وەک ڕۆژی شەهیدان بناسرێت، و بیکەینە هەوێنی یەکگووتاری و هاوبەندیمان.
ئێمە وەک دوو پارتی نەتەوەیی و سەربەخۆییخواز، خۆمان بە درێژەدەری بیر و هزر و ڕێبازی پێشەوای شەهیدمان دەزانین. کاکڵ و ئامانجی خەباتمان بۆ ژیاننەوە و دامەزرانی دەوڵەتی سەربەخۆی کوردستانە. ئەو ڕێبازەش بە گوونجاوترین خەبات بۆ ڕزگاری گەل و خاک و خەڵک دەزانن. هیواخوازین کە گشت لایەنە خەباتگێڕەکانی کوردستان خەمخۆری خەباتی سەربەخۆییخوازیی کوردستان بن.
سەرفیرازی و سەروەری بۆ سەرجەم شەهیدانی هەر چوار پارچەی کوردستان.
بەردەوام بێت ڕێگای پێشەوای نەمر، رێگای رزگاری و سەربەخۆیی یەکجاری کوردستان.
پارتی سەربەخۆیی کوردستان
پارتی سەربەستیی کوردستان
۱٠ ی خاکەلێوەی ۲۷۲۲ی کوردی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment