پەیامی پارتی سەربەخۆیی کوردستان بە بۆنەی ساڵوەگەڕی بومەلەرزە یان ئەرزهەژەکەی ڕۆژهەڵاتی کوردستان
بەناوی کوردستانی گەورە
ئەوڕۆ ساڵوەگەڕی ڕۆژێکی ناخۆش و بەژانە لە ڕۆژهەڵاتی کوردستان ،ساڵوەگەڕی بومەلەرزە یان ئەرزهەژەکەی ڕۆژهەڵاتی کوردستانە لە پارێزگای کرماشان و ناوچەکانی سەرپێڵی زەهاو و دەووروبەری . ئەرزهەژێک بە گوڕی ٧،٣ پلەی ڕێشتەر کە بە یەکێک لە بەهێزترین بوومەلەرزەکانی ڕۆژهەڵاتی کوردستان دادەنرێت و بووە هۆی گیانلەدەستدانی زیاتر لە 700 کەس و برینداربووبی زیاتر لە 9500 کەسی تر . هەر بە هۆی ئەم بوومەلەرزەوە زیاتر لە 70000 کەس لە دەسپێکی وەرزی سەرماوسۆڵدا بێ ماڵ و حاڵ بوون .
لەو کارەساتەدا دوو هەقیقەتی حاشاهەڵنەگر بە ڕوونی ئاشکرا بوون . یەکەم ئەوەی کە نەتەوەی ئێمە لە هەمووکاتدا پشت و پەنای هاونیشتمانیانی خویانن و لە کاتە ئاستەمەکاندا بەگیان و دڵ بە هانای یەکدیەوە دەچن و پشت بەیەک دەبەستن . ئەوە بوو لە هەموو شارەکانی کوردستانەوە لێشاوی یارمەتی بەپێی توانا گەیشتە خوشک و براکانیان . لە لایەکی تریشەوە ئاشکرای کرد کە داگیرکەرانی کوردستان هیچکات لە گەڵ ئەوەیدا بەدریژایی مێژوو خێر و بێری وڵاتەکەمانیان بەتاڵان بردوە و خەڵکەکەمانیان چەوساندوەتەوە بەڵام لە کارەساتەکاندا بە تەنیا جێیان هێشتوین ،هیچ یارمەتیدەر نەبوون و نین و ناشبن ، بەڵکە دەسەڵات و کومیتەکانی سەر بە سپای پاسداران بەناوی کارەساتی مروڤیەوە یارمەتیان بۆ بومەلەرزە لێدراوان کۆ دەکردەوە و لە بازاڕەکاندا دەیانفرۆشنەوە بە خەڵکانی دەرەوەی کوردستان ، لەلایەن دەسەڵاتەوە وەک ناوچەکانی تری وڵاتی ئێران قەرەبووی ماڵ و سامانیان نەکرایەوە و هەتا ئێستاشی پێوەبێت پشتگوێ خراون بەشێکی زۆریان نەیانتوانیوە بگەڕینەوە دۆخەکەی جارانیان . ئەمە لەکاتێکدایە کە ڕۆژانە میلیونان دولار لە داهاتی خەڵکی ڕەشووڕوتی ئێران خەرجی هەناردەی تیرۆر بۆ دەرەوەی سنوورەکان و دابین و ساپۆرتی دەیان گروپی تروریستی لە دەرەوەی سنوورەکان دەکات
ئێمە وەک پارتی سەربەخۆیی کوردستان لەم یادەدا سەری ڕێز و نەوازش لە بەرانبەر گیانی پاکی ئەو کەسانەی واگیانیان لەو کارەساتەدا لەدەستدا دادەنەوێنین و هیوای سڵامەتی بۆ کەس و کارەکانیان دەخوازین و تاونەکانی کۆماری ئیسلامی و دزی و جەردەییکانیان لە خەڵکی ناوچەکە و هەموو تاوانە دژە مرۆڤانەکانیان مەحکوم و ڕیسوا دەکەین و دووپاتی دەکەینەوە ئەوە هەر خۆمانین وەک نەتەوە پشت و پەنای یەکدین ، ئێمەی کورد قەت نەبووینەتە ئێرانی و ناشبین و شانازی بە کورد بوونمانەوە دەکەین.
پارتی سەربەخۆیی کوردستان
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment